Nýtt blogg!

Ég ákvað að opna nýtt blogg!

Kíkið á mig á:

www.hildaosp.com

Sjáumst þar!

Bless... í bili

Ég hef ákveðið að hvíla þetta blogg... að minnsta kosti í bili.

Gæti orðið vika, gæti orðið varanlegt -kemur í ljós.

Ég hef of mikið að gera á næstunni en framundan er hin mikla BA-ritgerð sem mun taka sinn tíma auk hinna námskeiðanna sem ég mun taka samhliða henni. Ég er einnig komin með starf sem ég hyggst sinna með náminu auk þess sem fjölskyldan þarf sína athygli. 

Ég óska ykkur gleðilegra jóla og farsældar á komandi ári.

Takk kærlega fyrir samfylgdina hér á blogginu, ég hef haft voðalega gaman að því að skrifa um hreinlega allt og ekkert og vona að einhverjir hafi kannski haft gaman líka :)

Svo...

já...

Bless
(amk í bili)

Hilda

E.S.
Ég er þó enn virk á Snapchat... ef þið hafið áhuga getið þið addað mér þar ;)
Notendanafnið mitt þar er hildaosp

„Draslgjöf“ eða peningur?

Í ljósi þess að ég á að vera að skrifa ritgerð í augnablikinu en ekki skrifa pistil fékk ég þá löngun yfir mig að hripa niður nokkur orð sem tengjast ritgerðinni minni alls ekkert! ;)

Ég hef undanfarið verið að velta því fyrir mér hvernig við komum fram við börnin okkar, þá á ég helst við hvernig við tölum við þau og í kringum þau. Stundum hlusta þau á okkur tala án þess að við áttum okkur á því, til dæmis þegar þau eru í næsta herbergi eða að horfa á sjónvarpið (að því er við teljum). Ástæða þessara vangaveltna er lítið og „ómerkilegt“ atvik úr 8 ára afmælisveislu dóttur minnar í október síðastliðnum. Nokkrar stúlkur voru komnar og fylgdust spenntar með afmælisbarninu opna fyrstu gjafirnar. Ein gjöfin var peningaseðill sem varð umræðuefni stúlknanna.

Stúlka 1: „Það er best að fá pening.“ Stúlka 2: „Já, langbest!“ Stúlka 1: „Já, því þá getur maður safnað sér fyrir því sem maður vill virkilega fá. Þá er maður ekki að fá eitthvað drasl í gjöf!“

Ég gef mér að þessi skoðun komi ekki upphaflega frá stúlkunni heldur einhverjum í kringum hana. Meðvitað eða ómeðvitað, ég vona það síðara. Það læra börnin sem fyrir þeim er haft, bæði í hegðun og orðum. Hvers vegna þessi umræða hefur átt sér stað í kringum umrædda stúlku ætla ég ekki að alhæfa um. Þessi umræða fer á flug á hverju hausti og misjafnar reglur sem bekkir/skólar/foreldrafélög setja fram og eru oft og tíðum nauðsynlegar. Sumir hafa þá reglu að gefa einungis peningagjafir með það í huga að „draslgjafir“ séu þá ekki að hrúgast upp á heimilum barnanna. Aðrir setja vissa upphæð (t.d. 500-1000 kr. hámark) og geta foreldrar þá valið hvort gefin sé gjöf eða peningur. Ég hef haft þann háttinn á að versla afmælisgjafir bekkjarfélaganna á t.d. Ebay og sparað mér þónokkrar krónur með þeim hætti en þá erum við líklega að tala um umræddar „draslgjafir“ sem margir vilja ekki sjá á sínum heimilum. Þetta fyrirkomulag hentar mér vel en þarf ekki að henta öðrum, sem betur fer erum við jafn misjöfn og við erum mörg.

Ég hef hingað til ekki sett kröfur á gjafir til barnsins míns, „draslgjafir“ og peningagjafir eru jafn velkomnar á okkar heimili. Það sem mér finnst vera fyrir mestu er að barninu mínu líði vel og upplifi afmælisveisluna sína sem frábæra gleði með góðum vinum og vinkonum. Sömu sögu er að segja um jólin og jólagjafir, ég gleðst yfir þeirri staðreynd að við eigum góða að í kringum okkur sem vilja gleðja barnið mitt yfir hátíðarnar. Það skiptir mig engu máli heldur hvaðan gjafirnar koma eða hver verðmiði þeirra er. Fallegar kveðjur og jólakort eru einnig í uppáhaldi, þær kosta ekkert (nema kannski andvirði jólakortsins og sendingarkostnaðarins).

Við, uppalendur, getum eflaust verið sammála um að ekkert okkar vill að börnin okkar verði vanþakklát þegar einhver gefur þeim gjafir í framtíðinni. „Nei, ég vil ekki svona drasl! Gefðu mér frekar pening!“ er eitthvað sem við viljum ekki að þau segi. Við viljum (já, ég leyfi mér að alhæfa) að þau brosi og segi kurteislega: „Takk fyrir,“ þó þeim líki jafnvel ekki gjöfin. Hvers vegna pössum við okkur því ekki betur þegar afmælisgjafaumræðan byrjar? Eða þegar svipaðar umræður eiga sér stað? Horfum í kringum okkur næst þegar umræðan hefst, eru forvitin eyru nálægt? Bíðum þá þar til betra færi gefst, til dæmis þegar börnin eru sofandi (og þá meina ég pottþétt sofandi en ekki að þykjast) eða þegar þau eru ekki heima. Allt á sér stað og stund, sannið til ;)

Markmið smarkmið

Ég er orðin ágætlega dugleg í því að setja mér markmið, bæði stór og lítil.

Mitt stærsta markmið þessa dagana er að lifa þennan vetur af!

Ókei, smá ýkjur...

Mitt helsta markmið er að klára BA-námið mitt í vor. Já, í vor!

Ég er núna á þriðja ári í náminu mínu. Hvern hefði grunað að ég gæti farið í háskóla og klárað?!?

Ég setti mér þetta markmið og ætla að klára það!

Ég setti mér það að vísu fyrir 10 árum síðan og beið svo í 7 ár með að láta verða af því... en ég er að því núna og ég er svo hissa á þeirri staðreynd að nú þarf ég að fara að ákveða um hvað ég vil skrifa í BA-ritgerðinni minni.

Þetta greinarkorn sem hún er... bara 30 blaðsíður, óttalega ræfilsleg kökusneið... eða já...

Eins og ég sagði áðan hef ég líka sett mér lítil markmið og þá er það eitthvað eins og að prófa að búa til Pumpkin Spice Latte eða ákveða hvernig aðventukransinn eigi að vera. 

Ég tilkynnti manninum mínum mitt nýjasta markmið. Markmið sem ég tel mig þurfa á að halda.

Ég ætla að minnka sykurneyslu.

Ekki fyrr en í janúar því annars verður það mitt fyrsta verk að klúðra þessu.

Svo nú langar mig að leita ráða hjá ykkur, kæru lesendur. Hafið þið lagt í þetta? Hvernig gekk/gengur? Hvernig voru fyrstu skrefin?

Mig langar að vita ALLT!

Ég lofa svo að um leið og ég kemst í jólafrí skal ég koma með eins og einn pistil um Ebay-kaup! Og Pumpkin Spice Latte!

Fyrst þarf ég að klára tvær ritgerðir, 3000 orða þýðingu ásamt greinargerð, lokaverkefni og eitt lokapróf...

Heyrumst!

(ef ég held lífi eftir þetta brjálæði!)

Hilda

E.S. ef þið viljið fylgjast með (bráðum háaldraðri) konu sem lætur stundum eins og... tjah... ég veit ekki hvað... þá heiti ég hildaosp á Snapchat

E.S. 2 Þið vitið að ég á stórafmæli bráðum! (Eftir 6 daga!!!)

E.S. 3 Mig langar í pakka!

Hrekkjavökuafmæli

Þann 17. október varð dóttir mín 8 ára. Þegar við héldum uppá afmælið hennar í fyrra vorum við með Frozen-þema, eins og einhverjir muna kannski eftir... ef ekki má lesa um það hér.

Að þessu sinni var þemað alveg á skjön við Frozen... daman vildi nefnilega endilega hafa hrekkjavökuþema!

Hvað gerir móðir sem á ekkert sem tengist hrekkjavöku? Jú, hún fer margar ferðir í búðir og þefar uppi skraut fyrir herlegheitin, manninum hennar til mikillar "gleði" ;)

Ég var ekki sérstaklega virk með myndavélina þegar búið var að gera allt klárt fyrir veisluna. Til dæmis virðist ég ekki hafa tekið myndir af Froosh-flöskunum sem ég skreytti sérstaklega og við gerðum litlar pítsur í laginu eins og hauskúpur... því miður, ljósmyndarinn var ekki að standa sig þarna.

Ég á þó nokkrar (misgóðar) myndir af skrautinu sem ég verslaði, þið fáið þó að sjá eitthvað! ;)

Við buðum semsagt uppá litlar pítsur, "blóðdrykk" (rauður Ribena safi) með þurrís (ég virðist bara hafa tekið vídjó af því, ekki myndir -sorrý!), saltstangir, "nornaneglur" (Bugles), Rice Krispies kóngulær, ávexti og afmælisköku.

Tiger

Lituðu afmæliskertin (þessi litríku) eru sjúklega flott! Athugið samt að þau passa ekki í kertastatífið sem er fyrir neðan þau á myndinni. Nokkrar stúlkur kvörtuðu einnig yfir því að rörin yrðu svo lin eftir smástund...

Vá hvað þetta virkar rykugt á myndinni, var það samt ekki! Þetta er kertastjaki, ég setti batterískerti í sem kom vel út ;)

Ljósasería, ýkt krúttleg :D Eitt eða tvö ljós virkuðu hins vegar ekki, ég hafði þó ekki tíma til að fara aftur og fá skipt...

Inni í þessu blikkar marglitt ljós, kemur mjög skemmtilega út ;)

Við föttuðum þegar heim var komið að þetta væru hringir... en maðurinn minn klippti það bara af og festi kóngulærnar upp um alla veggi í íbúðinni ;)

Ég stóðst ekki þessa... það var líka hægt að fá appelsínugula en mér fannst þessi flottari ;)

Partýbúðin

Við notuðum þessa í "blóðdrykkinn"

Þessi var á veisluborðinu

Þessar fóru líka á veisluborðið ;)

Lituðu blöðrurnar voru reyndar úr Hagkaup ;)

Hagkaup

Upphengja sem gestunum fannst frekar kúl ;)

Borðarnir voru ansi töff ;) Keypti tvær týpur, hér sést í aðra þeirra...

... og hér er hin ;)

Megastore

Þessi gína var klædd í ruslapoka og svo settum við hárkollu og efnisbút á hana. Við fundum svo þennan "hurðarbankara" í Megastore en hann fékk það hlutverk að verða andlit fígúrunnar ;)

Sést aðeins betur ;)

Við fengum svo borðdúk, beinagrind, kónguló, svarta rós og "fljúgandi höfuð" líka í Megastore ;) Ég keypti líka litla mynd af pari sem breyttist í uppvakninga eftir því hvernig á hana var litið en ég finn hvergi mynd af henni...

Ebay

Kóngulóarvefir... hver pakki er svo drjúgur að við notuðum bara einn þeirra, keyptum samt fjóra... kattarleikföngin voru reyndar ekki partur af skreytingum, þessi sending kom bara á sama tíma (jebb, af Ebay!)

Kemur mjög flott út

Ég keypti fjórar luktir en finn bara mynd af þessari... ég sá svo nákvæmlega eins luktir í Bónus fyrir tvöfalt hærra verð heldur en ég fékk þær á... þið ættuð að vita hvað mér finnst um Ebay... ;)

Gúmmí beinagrind, þolir reyndar ekki mikið hnjask ;)

Hérna sést svo glitta í leðurblökur sem systir mín sendi mér, þetta voru svona leðurblökurenningar sem maður getur t.d. hengt upp í loftið og þá virðast blökurnar vera á flugi, stelpurnar voru mjög hrifnar af þeim ;)

Bónus

Gluggalímmiðar ;)

Söstrene Grene

Þessar minntu mig á drauga. Þessi vinstra megin er lítill renningur til að hengja upp, ég hengdi hann í ljósakrónuna yfir veisluborðinu en ég endaði á að nota ekki stönglana hægra megin

Ikea

Appelsínugul eins og grasker... jebb, seld! (Þó ég hafi svo ekki þorað að kveikja á þeim í sjálfri veislunni)

Appelsínugult... eins og grasker... jebb... ég keypti tvö svona og setti saltstangir í þau og kom fyrir á veisluborðinu ;)

Rúmfó

Kertastjaki sem ég fékk á 50 kall... I rest my case! Það var líka hægt að fá svona bleika en mér fannst ekkert varið í þá...

Ég var nú með kveikt á fattaranum í pínu stund og tók myndir af hluta veitinganna.. að vísu ekki þegar búið var að koma öllu fyrir á sinn stað... díses hvað ég var ekki að standa mig!

Dóttirin vildi hauskúpuköku svo ég gerði mitt besta... keypti tilbúinn fondant en lenti samt í heljarinnar veseni... úff, aldrei aftur fondant! ALDREI!!! (Á samt pottþétt eftir að velja hann aftur síðar...)

Ég vildi vega aðeins upp á móti allri óhollustunni svo hver og ein fékk lítinn bolla með ávöxtum. Vínber, banani og epli skorið niður... ofur einfalt og sumar stelpnanna báðu um að fá meiri ávexti ;)

Rice Krispies kónguló ;)

Venjulegar Rice Krispies kökur skreyttar með klipptum pretzels og augum úr Allt í köku ;)

Hver og ein stúlka fékk svo litla kveðjugjöf þegar heim var haldið ;)

Nornapottur með sælgæti ;)

Ég sá svipaða hugmynd á Pinterest (auðvitað!)

Klippið botninn af stórri gosflösku og málið svartan.

Gerið gat sitthvorumegin og festið band/snæri í (ég fékk þetta í Tiger)

Hrekkjavökusleikjóar úr Tiger

Súkkulaðipeningar sem ég keypti í Hamleys í Glasgow ;)

Hrekkjavökunammi sem ég fann í Megastore

Namminu er svo raðað í og voilá! Nornapottarnir eru tilbúnir! ;)

Mér finnst reyndar alveg ferlegt hvað ég var glötuð í myndatökum fyrir þetta blessaða blogg. Ég hef einungis símann minn til að taka myndir og nú er blessuð græjan orðin 3 ára gömul og byrjuð að "kalka" ansi mikið... ég þarf að endurræsa hann nokkrum sinnum í viku því hann er farinn að frjósa reglulega og svo er hann orðinn of gamall fyrir nýjustu útgáfuna af Snapchat.

Ég er annars orðin alltof virk í því appi og þori ekki að eyða því úr símanum því ég myndi örugglega ekki geta sett það inn aftur vegna aldurs símtækisins (ég er sko með Samsung Galaxy S2!)

Á þeim nótunum langar mig að minna á að ég á stórafmæli 24. nóvember... eftir þrjár vikur og þrjá daga takk fyrir! Ef einhvern langar að gleðja þetta (verðandi) gamla hró má sá hinn sami splæsa í nýjasta Samsung, ég bið ekki um mikið...

Ég er búin að vera í smá tilraunastarfsemi í eldhúsinu, nánar um það síðar!

Hilda

hildaosp á Snapchat

Við mæðgur þegar veislan var alveg að hefjast... ég var norn og hún var Frankie úr Monster High ;)

Rúmfó og Ittala...

Við ætlum að líta framhjá þeirri staðreynd að ég var í langþráðri verslunarferð í síðasta mánuði. 

Ókei. 

Ég lenti (alveg óvart!) í Rúmfatalagerinn síðustu helgi. Ég fór í þeim tilgangi að kaupa lök á rúmin okkar, lökin sem við áttum fyrir voru orðin götótt og sjúskuð... og mig vantaði afsökun til að fara og skoða.

Ég fann vissulega lök. Jájá, ekki í vandræðum þar sko. Þau eru alltaf á sama stað, í stórri körfu í gangveginum við garnið (þið athugið að nú er ég að miða við Rúmfatalagerinn í Smáratorgi)

Ég var reyndar svo sniðug að senda manninn og dótturina að fá sér að borða á meðan ég rétt stökk inn að ná í lökin... ég held að maðurinn minn endurtaki það ekki í bráð...

Þessi kallaði bara á mig! Ég gat ekki litið undan! Það var ást við fyrstu sýn!

Hey... dýrið má ekki vera skilið frá skóginum sko! Svo er hann líka svo fallegur... passar vel í fína sófann minn!

Já, ég keypti púða! Mér til varnar voru þeir á útsölu og það eru ár og aldir síðan ég keypti mér púða síðast! Þessi á efri myndinni var á 995 krónur (var áður á 1295 kr) og þessi fyrir neðan var á 1495 krónur (var áður á 2495 kall). 

Ég er búin að banna fjölskyldumeðlimum að leggjast á þá. 

"Þeir eru bara til skrauts!!!"

Maðurinn minn hristir höfuðið og skilur ekkert í mér...

Dóttirin í ofurslökun eftir heimanámið... takið eftir því hversu mikið hún vandaði sig við að raða gömlu púðunum undir sig og hafa nýju púðana í hæfilegri fjarlægð frá krumpuheitunum. Já, hún er svona vel upp alin! ;)

Ég datt í Monicugír í fyrradag og tók allsherjar tiltekt í svefnherberginu, þar var komin nokkuð álitlegleg hrúga af drasli sem ég ætlaði að fara í gegnum "einn góðan veðurdag"... 

Ég (ókei, maðurinn minn... þessi elska!) fann í þessari tiltekt eina Ittala kertastjakann sem ég hef eignast. Ég fékk hann í jólagjöf ´05 eða ´06 (sko, ÁÐUR en Ittala varð svona ferlega kúl!) og ég var búin að telja sjálfri mér trú um að hann hefði týnst þegar við fluttum árið 2007... svo leyndist hann í litlum skókassa sem var fullur af staupglösum og drasli... jebb, við erum sífellt að staupa okkur!

Ég man þegar ég fékk hann þá var ég ekki viss um hvað mér fyndist um hann en ákvað samt að halda honum. Nú kann ég betur að meta hann, mér finnst hann fallegur og passa betur á heimilið nú heldur en hann gerði þá. Mér er í raun slétt sama þó hann sé Ittala og reyndar flissaði ég aðeins innra með mér þegar ég sá að miðinn var ennþá á honum. Ég las nefnilega einhverja svakalega umræðu á Facebook fyrir einhverju síðan um límmaðana á Ittala vörunum, sumir voru á því að það mætti alls ekki taka þá af á meðan aðrir hikuðu ekki við það... hin tvítuga ég virðist hafa viljað halda honum allavega ;)

Ég er svo búin að versla smá á Ebay undanfarið (ég endurtek: ég var EKKI í verslunarferð í síðasta mánuði!), það er tilefni í aðra færslu síðar enda eru þau kaup liður í undirbúningnum fyrir afmælisveislu dótturinnar... já, hún verður 8 ára í þessum mánuði. Ekki 8 mánaða, 8 ára... sjitt!

Heyrumst síðar!

Hilda

Glasgow beibí, Glasgow!

Það hefur ekki farið framhjá neinum fésbókarvini mínum að ég og minn betri helmingur lögðum leið okkar úr landi síðustu helgi. Leiðin lá til Glasgow í helgarferð... loksins!

Fjörið byrjaði að vísu á tveggja tíma seinkun á fluginu út á fimmtudeginum, ekki alveg það skemmtilegasta þegar flugið tekur bara tvo tíma... en það var ekkert við því að gera nema skella í sig smá „kaffi“ og fara svo í loftið um það leyti sem við hefðum átt að vera að lenda úti.

Ég fékk mér sko alveg kaffi líka... ég bara tók ekki mynd af því! ;)

Ég náði að versla nokkuð þokkalega, útsölurnar voru að byrja svo ég náði að spara enn meira á sumum hlutum... sem þýddi að ég gat þá verslað meira í Primark! ;)

Það liggur við að ég rammi þessa mynd inn! ;)

Elskulega Primark, ég veit ekki hvaða orð lýsa því best! Hægt að fá allt fyrir ekkert, bókstaflega! Ég verslaði úlpur á okkur fjölskylduna, haug af nærfötum, sokkum og já.. bara allt! Skór líka! Ég fann líka nokkra hluti til að punta heimilið, auk þess sem við versluðum nokkrar jólagjafir í þokkabót! Dásamlegt!

Það var smá ugluþema í innkaupunum hjá mér... þetta er annars allt úr Primark, nema járnuglan fremst til vinstri, hún er úr Poundland ;)

Ég er strax farin að plana ferð á næsta ári, þá verður það í aðeins lengri tíma heldur en núna. Ég kem örugglega til með að vera jafnvel á sama hóteli aftur, Jury´s Inn, það er frábærlega staðsett því það er bara rétt við verslunargöturnar og mollin. Við fengum einnig frítt WiFi og morgunmaturinn var innifalinn, þvílíkt dásemd... ;)

Hótelið okkar, Jury´s Inn

Klassi að taka mynd af herbergisganginum á hæðinni okkar ;)

Ég náði svo að sjálfsögðu að plata betri helminginn til að stoppa á Starbucks og kaupa kaffi. Ég ákvað að prófa Pumpkin Spice Latté, vinkona mín var búin að dásama það fyrir einhverju síðan í prjónó og allt í einu mundi ég eftir því þegar ég var að ákveða hvað ég vildi fá... ég varð svo sannarlega ekki svikin, enda fór ég aftur og fékk mér annan... svo ætlaði ég að fá annan á flugvellinum þegar við vorum að bíða eftir fluginu heim en var þá tilkynnt að það væri seasonal tegund sem væri einungis í boði í desember... einmitt...

Verslunargata... mér finnst byggingarnar áberandi flottar... eitthvað annað en Laugavegurinn... myndavélin á símanum nær engan veginn að sýna það þó, því miður...

Primark og Starbucks við sömu verslunargötu, ég var ekkert að hata það sko!

Bjúúúúútífúúúúúúúl!!! ;)

Við kíktum í þetta moll líka, Princess Square. Við versluðum ekkert þarna en ég varð alveg heilluð af því hversu falleg ein verslunarmiðstöð getur verið... já! Ég sagði falleg!

Já... ég fann örfáar snyrtivörur í Primark sem mig langaði að prófa...

Skólinn er svo byrjaður af krafti og rútínan er að komast í fastar skorður. Monica er aðeins búin að fá að viðra sig í skipulagstöflum og skemmtilegheitum, það þýðir ekki að hafa allt í kaosi! ;)

Heyrumst síðar!

Hilda