E... fyrir Ebay!

Já, það er ekkert nýtt að ég versli á Ebay! Nýjustu kaupin sem komin eru á heimilið, vessgú!

Gamli vinkonuhópurinn minn tók sig til og gæsaði systur mína um daginn, og ég ákvað að splæsa í demantshring handa henni að því tilefni...

Ég keypti tvo svona fyrir 14.18 dollara (1.618 íslenskar kr), ég ákvað að taka tvo ef ég skyldi fá gallaðan eða þetta væri drasl eða eitthvað álíka... en ég endaði svo á að selja hinn því þetta er algjör snilld! Þetta stoppaði í tollinum en var komið til mín tímanlega fyrir gæsun ;)

Þessa léttu og þunnu peysu á sjálfa mig fékk ég fyrir 6.20 dollara (707 íslenskar kr). Stroffið á ermunum er í þrengri kantinum en það böggar mig samt ekkert. Hún er alveg tilvalin til að grípa í þegar maður er að stökkva út í blíðunni... þeas þegar það er sól og blíða en ekki grenjandi rigning líkt og í dag...

Ég er ssvvvoooo mikil gella að ég ákvað að splæsa í gerviaugnhár... og helling af þeim! Það eru 10 pör í hverjum pakka og hver pakki kostaði mig á bilinu 0.99-2.59 dollara (113-295 íslenskar krónur). Algjört gjafverð! Ég þarf svo bara að skunda útí búð og splæsa í augnháralím og byrja að æfa mig að setja þetta á, ég ætla sko að vera gella í brúðkaupi systur minnar í ágúst! ;)

Þetta hárband fékk ég á 5.44 dollara (621 íslensk króna). Ég var með brúðkaupið í sumar í huga og það verður bara að koma í ljós hvort ég eða dóttir mín verði með það, áhuginn er jafn mikill hjá báðum ;)

Hver man ekki eftir töfrateygjunni sem var seld í Sjónvarpsmarkaðnum? Splæsti í eina stóra og eina litla saman á 1 dollara (114 íslenskar kr). Æfingar eru hafnar í hárgreiðslu á okkur mæðgum, þetta hlýtur að hafast fyrir brúðkaupið! ;)

Þessa dásamlegu eyrnalokka fékk ég fyrir 1.04 dollara (118 íslenskar kr), ég elska þá!

Það er nokkuð augljóst að ég er búin að vera með brúðkaup systur minnar ofarlega í huga þegar hefur komið að Ebay undanfarið, enda er ég löööngu búin að sjá hvað ég spara mikið á því að kaupa hlutina að utan heldur en hér heima... því miður!

Einnig hef ég svo verið að daðra við Pinterest og fengið allskyns hugmyndir að DIY-verkefnum, en nánar um það síðar! ;)

-Hilda