Ebaykaup!

Það er búið að vera svo mikið að gera hjá mér að ég hef lítið daðrað við Ebay, en við tókum smá "cha cha cha" if you catch my drift! ;)

Ohhh hvað þetta var samt sjúúúúúúúklega lélegur brandari! Biðst forláts!

Þessi elska kom í síðustu viku, nú eiga fjarstýringarnar okkar sinn fasta stað! Fékk þennan fyrir 4.21 dollara sem eru þá 512 krónur íslenskar

Þessar elskur eru reyndar ekki enn komnar, en eru væntanlegar á næstu dögum ;) Borgaði 0.23 dollara fyrir eða alveg heilar 28 krónur... veskinu blæðir út hægt og rólega með þessu áframhaldi...

Svo er það glaðningurinn sem kom í póstkassann í dag, húsmóðirin er búin að vera pínu spennt en það var samt ekki von á þessum pakka fyrr en í fyrsta lagi í næstu viku svo þetta kom skemmtilega á óvart... bætir aðeins upp þetta leiðinda veður þessa dagana ;)

Ég fékk stykkið á 1.45 dollara eða 175 krónur... eða s.s. 525 krónur í heildina fyrir alla þrjá saman. Ég get varla beðið eftir að fara og versla, það er samt lykilatriði að muna eftir að taka þá með! ;)

Þessa dagana er nóg að gera, verkefnavinna í skólanum og nóg að lesa. Dóttirin verður svo 7 ára eftir rúmar tvær vikur og er skipulagning að hefjast í sambandi við það... skrapp t.d. rétt aðeins í Smáralind þegar ég átti smá aukatíma í dag til að fá hugmyndir fyrir þemað sem hana langar að hafa. Hún var búin að tala um þetta þema áður en ég endaði á að þora ekki að versla af Ebay í tengslum við það eins og ég hafði planað, ég var aðeins of hrædd um að hún myndi skipta um skoðun sem er ekki óalgengt þegar maður er 6 ára... að verða 7 ;)

En verið óhrædd, ég er byrjuð í jólagjöfunum! Nokkrar búnar og hugmyndavinna farin á fullt í sambandi við það! ;)

Þartil næst!

Hilda