Páskar!

Nei því miður, ég er ekki stödd í einhverjum kósý sumarbústað með heitum potti og grillandi humar með tilheyrandi hvítvínssötri... í staðinn er ég heima að skrifa ritgerðir, lesa bækur og þamba kaffi eins og ég fái borgað fyrir það! Ég er einnig að fara að byrja á lokaverkefni fyrir eitt af námskeiðunum sem ég er í... já, það er fjör hér í Breiðholtinu!

Það er á svona stundum sem hugurinn reikar til útlanda, sérstaklega þegar snjókornin láta á sér bera...

Já elskurnar, mig langar að skella mér í verslunarferð til Glasgow! En það er nú ekkert nýtt...

Já, það væri ekki leiðinlegt að trítla þarna inn... ég er allavega viss um það! Aumingja Visa...

Mig langar líka að flatmaga á sólarströnd, vera eins og latur flóðhestur og aðeins reisa mig við til að taka við drykkjum... ahh... dásemd...

Þessi er bara alveg eins og ég! Aaaaaalveg eins!

Það væri heldur ekki leiðinlegt að fara út í þeim tilgangi að skoða fallegar byggingar... (ekki verra ef viðkomandi byggingar væru ódýrar búðir en látum það liggja milli hluta...)

En sú fegurð!

Þessi gluggi... ég veit ekki hvaða orð skuli nota!

Vá...

Dásamlegt!

Allar Íslendingasögurnar passa pottþétt í hillurnar þarna!

Ég gæti alveg hugsað mér að gifta mig í þessari kirkju...

Samkvæmt gúgglinu er þetta í Taílandi... ég þangað!

Úllala... Honey, I´m home!

Afhverju er Bókhlaðan ekki svona?? Ég bara spyr...

Ég gæti sætt mig við að eiga heima þarna líka... fæ einhvern annan til að sjá um þrifin að sjálfsögðu!

Jæja, ég skal ekki þreyta ykkur meira með gúggluðum myndum. Þið bara njótið þess að vera í bústað með bjór, áfengi, snakk, nammi, páskaegg og hálf nakin í heitu pottunum. Mér er alveg sama, ég er alls ekki öfundsjúk! Mig langar ekkert að fara í heitan pott! Alls ekki!

Ég er farin að knúsa bækurnar!

Ég vona að þið kafnið á málsháttunum! (Samt ekki!)

"Gleðikona í háska!"

Hilda